|
|
| آخر 10 مواضيع |
|
|||||||
| القسم العام - Public Section للمواضيع العامة والهادفة والنقاشات الجادة |
 |
|
|
LinkBack | أدوات الموضوع | إبحث في الموضوع | انواع عرض الموضوع |
01-26-2008, 08:53 AM
|
#1 |
|
عضو نشيط
تاريخ التسجيل: Jan 2008
الدولة: JORDAN
المشاركات: 31
 |
تعالو شوفو شو بصير في الباصات
الباصات
عمان اربد بقعة صويلح تقريبا ... لا يوجد احد من بيننا لم يستعمل يوما المواصلات العامه ..... عندما تجلس في الباص .... توقع ان يجلس بجانبك أي شخص قد تجلس بجانب طبيب ، مزارع ، مهندس ، طالب عادي ، شخص امي .... او قد تجلس بجانب استاذ جامعي ... كل شيئ ممكن في الباص .... الناس سواسيه .... مرات ما بيكون جاي ع بالك تحكي ... بس اللي جنبك فجأه بينطلق لسانه .... وانت بتبتسم ببرود وبينك وبين حالك .. ولك اسكت يا ... هذا فيما لو جلست ... لانه كثيرا من الاوقاتf بتكون في الباص عالواقف ... طبعا اذا كنت بنت فليس من الممكن انك تطلع بالباص عالواقف ....غالبا لانه بيكون الكونترول عضلنجي والله معطيه الصحه مجرد ما يجحرك ... قوم ابو الشباب قعد البنت بتلاقي نفسك قايم وبكل صدر رحب .... عشان هيك لما أي شب يطلع يقعد بالباص بيحاول يقعد بمكان صعب أي بنت تقومه فيه ... مثلا بقعد على البسطه ورا الشوفير ... او بالكرسي الخلفي مع اربع شباب ... او الكرسي اللي جنب الشوفير ... هيك بيكون استمتع بالرحله ... ولا بنت ابوها بتقومه ؟؟ السؤال اللي بطرحه اغلب الشباب بينهم وبين حالهم ... وهمه بيصرو على سنانهم من القهر بس مش قادرين يحكوا لانه الكونترول معلم بوجهه موس من الذان للشفه . السؤال هو : يا ابن الحرام ما انت شايف الباص مليان ليش بتطلع بنات ... عشان تقعدها مكاني .... هاي المشكله اللي مش راح تنتهي .. طبعا هاذا انسى المشاكل والواحد واقف .. يعني اذا الباص لف كوربه محترمه بتلاقي المسكين بمسك باي اشي عشان ما يوقع ... واذا دعس بريك فجاه ... يا بتوقع على الارض يا بحضن الكونترول .. وهذا ما يتمناه الكونترول ... ومرات بتكون واقف ... بتبلش تتعود على الوقفه ... بتستقر امورك .. وبتبدا تحاول تستمتع ... فجاه بتسمع صياح الشوفير ... : دوريه اقعد اقعد يا ابو الجوكيت البني .... نزل راسك ... بتضطر انك تقرمز وتوطي راسك كانك عامل عمله ... وكل ما بده واحد ينزل لازم تنزل معو ع بين ما ينزل وترجع تطلع مره ثانيه ... ومرات بس تنزل بيكون واحد بده يطلع وفعلا بطلع قبلك وبيقعد عالكرسي اللي فضي .... بس ما بتقدر تفتح ثمك .... وكلو كوم ولما يبلش الشوفير والكونترول يسولفو مع بعض ويعرطو كوم .... حجم هائل من الزناخه ما بتلاقيه بالمحيط الاطلسي .... واشي انا مستغرب منو ... الاغاني اللي بيحطوها الشوفيريه بالباصات .... من وين بيجيبوها ؟؟؟ يعني يا بيحط ربابه وواحد بيجاعر ..... يا اغنيه من سنة الف وتسعميه وخشبه .... من الاغاني اللي كان يسمعها خفرع ومنقرع .. وغير هيك السباقات اللي بتصير بين الشوفيريه .... يعني الشوفير مستعد يشطب 25 واحد عشان راكب بخمسطعشر قرش ... وفيه نكته عالموضوع بتحكي انه فيه شوفيريه باصات ثنين بتسابقوا . اللي قدام شاف راكب صار يفكر ... اذا وقفتله اللي وراي بسبقني عالمجمع وبيحمل قبلي واذا ما وقفتله اللي وراي بوقفله وهو اللي بوخذ البريزه ... شو اعمل شو اعمل ؟؟ احسن حل ادعسه ... وعننننننننننن ...... اخبط !!!!! بتركيا ... كان كل خمس دقائق ييجي باص ... كنت اشتري بطاقه بتسمح لي اركب عشر مرات ... كنت اركب واختم البطاقه اقعد بمكاني ... ما فيه لا كونترول ولا حدا بيصيح .. فيه سوفت ميوزيك .. الشوفير لا بحكي معك ولا بتحكي معو ... بينزل بمحطات معينه .... الباص نظيف من جوا ومستحيل تتعدى سرعته ستين وما بيطلع عن السايد تبعو وما بيتجاوز واحلى اشي انك لما تنزل من الباص الشوفير بيستناك لما تنزل ويسكر الباب وبعدين بيمشي .. مش زي عنا بتلاقي راسك برا واجرك جوا والباص ماشي وانت يا بتكون قد حالك وبتطلع .. يا اما على صباحك ... وبامريكا نفس النظام .. بس هناك انه لما تنزل من الباص بيبتسملك الشوفير ابتسامه عريضه وبيقولك ثانك يو فيري ماتش ... هاف ا نايس داي .. سبحان الله ... زي شوفيريتنا بالزبط ... : يالله انزل وله غير المدافشه ربع ساعه قبل ما تطلع بالازمه .... واذا ما فيه ازمه استنى نص ساعه عبين ما يعبي الباص ... وزلمه افتح ثمك واحكي مستعجل ... على كل حال .... فيه رب كبير .... وكل ظالم اله يوم ..[/size]..[/size][/size] |
|
|
|
01-27-2008, 05:18 PM
|
#2 |
|
عضو مميز
 
تاريخ التسجيل: Jan 2008
الدولة: فلسطين
المشاركات: 109
  |
شكر على الموضوع
__________________
انا احب:icon26: وطني فلسطين الحبيب الذي به نعيش |
|
|
|
|
03-03-2008, 06:37 PM
|
#3 |
|
مشرف على مقهى مواسم
تاريخ التسجيل: Feb 2008
المشاركات: 4
|
اسمعي والله لو السواق ماخذ بطولة العالم فبناء الجسم
مايفتح فمه عليه ولو امهه داعيه عليه وفتح فمه والله لأخليه ينزل من الباص علي المستشفى ولو ركبت بنت انا اقوم مو هوه يقومي ليه ما أستحي على العموم مشكوره على الموضوع |
|
|
|
|
06-28-2008, 10:09 AM
|
#4 |
|
عضو جديد
تاريخ التسجيل: Jun 2008
المشاركات: 7
|
يسلموووووووووووووو مررررررة الموضوع اوكي
|
|
|
|
|
07-06-2008, 05:49 AM
|
#5 |
|
مشرف
تاريخ التسجيل: Jul 2008
الدولة: K * S * A
المشاركات: 524
|
يسلموووووووووووو اختي ع الموضوع
من جد معآنآه عندكم الله يعينكم ويعوضكم حسن من الباصات مدري ليه بس احسها مكسره وفي الصيف مافيها مكيفات وفي الشتا مافي نوافذ<<<<< حطو تحتها عشر طعش خط لآ تحرمينا من جديدك
__________________
ROoOCK MY WOoORLD  |
|
|
|
|
07-06-2008, 08:06 PM
|
#6 |
|
مشرف
تاريخ التسجيل: Jul 2008
الدولة: السعودية (الشرقية)
المشاركات: 238
|
مشكور على الموضوع الحلو :)
__________________
 الله يعطيك العافية يا AlAmRi على هذا التوقيع الأكثر من رائع
|
|
|
|
|
07-20-2008, 02:36 AM
|
#7 |
|
عضو نشيط
تاريخ التسجيل: Jul 2008
الدولة: [] جدة << جوجو >>
المشاركات: 65
|
معاناة مساكين الله يعنكم على الزحمة
__________________
كيف تخفي حبنا والشوووووووق واضح؟؟؟؟ |
|
|
|
|
| أدوات الموضوع | إبحث في الموضوع |
| انواع عرض الموضوع | |
|
|
العرض العادي
